У пачатку 1990-х гг. Кардынал Казімір Свёнтэк сустрэўся з с. Люцыяй — адной з тых дзяцей-пастушкоў, якім Маці Божая аб’явілася ў партугальскай Фаціме. Пасля гэтай сустрэчы ён вырашыў назваць адзін з касцёлаў у Баранавічах у гонар Маці Божай Фацімскай. Так распачалася гісторыя баранавіцкага «касцёла на Паўночным».

  Парафія была заснавана 21 чэрвеня 1993 г. Касцёл Маці Божай Фацімскай быў пабудаваны ў 1994 г. пры садзейнічанні а. Ежы Мазура SVD — цяперашняга Біскупа Элцкага (Польшча). У 1990-х гг. сюды прыходзіла толькі каля 40 чалавек. Сёння ж парафія развіваецца і колькасць вернікаў у ёй павялічваецца.

  13 мая 2017 г., у 100-ю гадавіну фацімскіх аб’яўленняў, касцёл Маці Божай Фацімскай у Баранавічах атрымаў статус санктуарыя. Устанаўленне санктуарыя адбылося на пачатку Св. Імшы.

  Кожнае лета з касцёла Маці Божай Фацімскай стартуе пілігрымка ў Будслаў.

Выкарыстаны матэрыялы з Catholic.by

Адрас: 225416 г. Баранавічы, пр-т Савецкі, 16
пробашч: кс. Конрад Патыка
тэл.: (8-0163) 58 16 28
+ 375 29 725 14 71
e-maik: kpotyka@gmx.de