Віншаванне Біскупа Пінскага Антонія Дзям’янка са святам Божага Нараджэння і Новым Годам

“Хвала на вышынях Богу,

а на зямлі супакой людзям добрай волі”

(Лк 2, 14)

Дарагія браты і сёстры ў Хрысце! Людзі добрай волі!

З нагоды Божага Нараджэння звяртаюся да Вас з найлепшымі святочнымі віншаваннямі. Калядны час натхняе ўсіх нас да паглыблення веры, надзеі і любові. Сярод разнастайных завіраванняў гісторыі і свету Сын Божы ўваходзіць у нашае жыццё і ціха стукаецца ў дзверы кожнага сэрца, запрашаючы адкрыцца на дар Божай любові.

Няхай святло Бэтлеемскай зоркі прынясе ў кожны дом Божае благаслаўленне, супакой і ўзаемаразуменне. Няхай нованароджаны Сын Божы абудзіць у нас усё найлепшае і дапаможа з новай моцай адкрыць тое, што найважнейшае.

          Жадаю Вам моцнага духоўнага і фізічнага здароўя, усіх неабходных Божых дароў і ласкаў. Няхай цяпло і надзея, якія асвяцілі ноч Хрыстовага Нараджэння, дапамогуць на нова адчуць, як моцна мы любімыя і як жа нашая любоў неабходная кожнаму чалавеку, якога Бог ставіць на шляху нашага жыцця.

          Няхай нованароджанае Божае Дзіцятка прынясе паўнату Божага благаслаўлення і радасці жыцця ў новым 2022 годзе.

Хрыстус нарадзіўся! Славім Яго!

З пажаданнямі Божага благаслаўлення і святочнымі віншаваннямі,

+ Антоні Дзям’янка

       Біскуп Пінскі

Пінск, Божае Нараджэнне 2021 г.

Адышла ў вечнасць мама ксяндза Чэслава Ёйка з Кобрына

Курыя Пінскай дыяцэзіі са смуткам паведамляе, што на 84 годзе жыцця адышла ў вечнасць Марыя Ёйка – мама ксяндза Чэслава Ёйка, пробашча парафіі Унебаўзяцця Найсвяцейшай Панны Марыі ў Кобрыне.

Выказваем спачуваннні ксяндзу Чэславу і агортваем малітвай святой памяці Марыю і ўсю сям’ю Ёйка.

Вечны адпачынак дай памерлай, Пане. А святло вечнае няхай ёй свеціць. Няхай адпачывае ў супакоі вечным.

Пастырскі ліст Біскупа Пінскага Антонія Дзям’янка на Адвэнт – 2021

“Калі надышла паўната часу, паслаў Бог Сына свайго,

… каб мы атрымалі ўсынаўленне” (Гал 4, 4-5).

Умілаваныя ў Хрысце браты і сёстры!

Пачатак Адвэнту і новага літургічнага года з’яўляецца добрай нагодай, каб звярнуць увагу на дар часу, дадзенага нам Богам, і распачаць своечасовую падрыхтоўку да надыходзячага юбілею 100-годдзя Пінскай дыяцэзіі, які мы будзем адзначаць у 2025 г.

Як вядома, Папа Пій ХІ, які перад пачаткам свайго Пантыфікату служыў на нашых землях як Апостальскі Нунцый, клапоцячыся аб верніках і сітуацыі Касцёла ў нашым рэгіёне, пасля заканчэння Першай сусветнай вайны, пажадаў даць жыхарам Палесся пастыра, якім стаў біскуп Зыгмунт Лазінскі, і ўстанавіў дыяцэзію са сталіцай у Пінску. Тэрыторыя Пінскай дыяцэзіі тады ахоплівала землі, якія дагэтуль уваходзілі ў склад Віленскай, Мінскай, Луцкай і Падляшскай дыяцэзій. Устанаўленне новай Пінскай дыяцэзіі было абвешчана ў дзень Святых Апосталаў Сымона і Юды Тадэвуша, якія лічацца нябеснымі заступнікамі ў складаных справах.

Гісторыя нашай дыяцэзіі з’яўляецца добрай ілюстрацыяй таго, як важна цаніць час, дадзены нам тут і цяпер. Час – гэта Божы дар. Ён стварае прастору для рэалізацыі найлепшых шанцаў, якімі адорвае нас Пан Бог. Пра досвед важнасці дадзеных нам жыццёвых момантаў апавядаў адзін са шпітальных капеланаў. Аднойчы яго выклікалі да жанчыны, прывезенай у бальніцу пасля аўтамабільнай аварыі, якая памерла ў яго на вачах. Яна мела на руцэ гадзіннік, які працаваў і паказваў час, але гэтага часу ў яе ўжо не было.

Умілаваныя! Распачынаючы Адвэнт, мы завяршаем пэўны этап свайго жыцця, які ўжо не вернецца. Развітваемся з мінулым літургічным годам, каб распачаць новы. Уваходзім у Адвэнт — час усведамлення, што мы чакаем сустрэчы з Панам. Гэты час – дар, які мы не заўсёды цэнім, часам марнуем, часам нават бунтуемся супраць яго. Але нашая вера вучыць прыняць гэты Божы дар з удзячнасцю, нават калі яго не да канца разумеем. Бог дасць ласку зразумення гэтага дару, хоць яно часта прыходзіць толькі з сузіраннем перспектывы пройдзенага шляху.

У Каталіцкім Касцёле мы падыходзім да звяршэння Году святога Юзафа. Узгадваю пра гэтага святога на пачатку Адвэнту, бо менавіта яго жыццёвы шлях з’яўляецца добрым прыкладам таго, як прымаць дар часу і выклікаў, якія, здаецца, пераўзыходзяць нашыя магчымасці. Але святы Юзаф прыняў гэты дар са шчырай верай. І хоць гэтае прыняцце поўнасцю перавярнула яго жыццё, але адначасова напоўніла неверагодна глыбокім сэнсам і збаўчымі пладамі для ўсяго чалавецтва.

Святы Юзаф вучыць нас, як жыць веруючы, і як верыць жывучы. Завяршаючы прысвечаны яму Год, мы ўваходзім у новы час. Ён можа мець цяжкасці і выклікі, якіх не было ў нас у іншыя перыяды жыцця. Але, перажыўшы адыходзячы год са святым Юзафам, мы напэўна сталі больш падрыхтаванымі на сустрэчу з будучыняй. Гэты святы вучыць нас ня шмат гаварыць, але шмат рабіць. Ён вучыць, як не судзіць, але любіць, верыць і давяраць. Складаныя жыццёвыя моманты патрабуюць менавіта такога падыходу. Такога простага падыходу да няпростых жыццёвых сітуацый вучыць нас таксама Святы Айцец Францішак паказваючы на тры простыя словы, якія з’яўляюцца ключом да зразумення і прыняцця жыцця такім, якое яно ёсць на самой справе. Гэта тры словы: “прашу”, “дзякую” і “прабачаю”. Ці ж гэта не пасланне святога Юзафа?

Жадаю кожнаму з нас на парозе новага літургічнага года яшчэ больш навучыцца цаніць дар часу і, па прыкладу святога Юзафа, з прастатой шчырай веры падыходзіць да разнастайных жыццёвых сітуацый. Жадаю ціхай засяроджанасці і дзеяння. Адважна прымаць выклікі часу і быць вернымі ў прынятых рашэннях. Няхай кожны з нас добра выкарыстае дадзены Богам час Адвэнту, каб ён перажываўся сапраўды як дар, а мы адчувалі гэтую адоранасць.             

Заклікаю ўсіх вас, браты і сёстры ў Хрысце, уключыцца ў супольную духоўную падрыхтоўку да радаснага юбілею 100-годдзя Пінскай дыяцэзіі. Гэтая падрыхтоўка будзе праходзіць на працягу трох год, кожны з якіх будзе мець сваю адмысловую тэму.

Першы год падрыхтоўкі – Год Веры – 2021/2022. У гэтым годзе, які распачынаем адначасова з літургічным каляндаром Касцёла з першай нядзелі Адвэнту, жадаем аднавіць усе праяўленні нашай веры.

Другі год падрыхтоўкі – Год Надзеі – 2022/2023. У гэтым годзе разам з пачаткам Адвэнту 2022 г. пастараемся аднавіць усё, што з’яўляецца і выражае нашую надзею на Пана Бога і мацуе нашую будучыню.

Трэці год падрыхтоўкі да юбілею – Год Любові – 2023/2024. У гэтым годзе, які распачнем з першай нядзелі Адвэнту 2023 г., звернем нашую ўвагу на ўсё, што з’яўляецца праяўленнем любові да Бога і бліжняга ў супольнасці вернікаў нашай дыяцэзіі – усе духоўныя і матэрыяльныя выразы гэтай любові.

У межах падрыхтоўкі нашай дыяцэзіі да годнага перажывання радаснага юбілею, заклікаю ўсіх вернікаў паклапаціцца пра добраўпарадкаванне і аднаўленне святыняў, прыдарожных крыжоў і каплічак, аднаўленне хрысціянскіх сімвалаў (абразоў і крыжыкаў) у нашых дамах і месцах працы. Не менш важнай справай з’яўляецца дбанне аб тым, каб у кожным доме і ў кожнай сям’і было і выкарыстоўвалася Святое Пісанне, малітоўнікі і адпаведная рэлігійная літаратура.

Важна, каб мы імкнуліся задбаць пра кожны куток нашай дыяцэзіі, дзе вернікі дасюль яшчэ не маюць уласнай святыні, годных умоваў для развіцця свайго рэлігійнага жыцця. Дапаможам усе разам у аднаўленні, будаўніцтве і заканчэнні адновы ў нашых святынях. Падтрымаем тыя парафіяльныя супольнасці, якім вельмі патрэбна нашае братэрскае плячо дапамогі і шчодрая рука ахвярных учынкаў міласэрнай любові. Бо ведаем, што вялікія справы здзяйсняюць не багатыя, але веруючыя. Таму няхай ніхто не застанецца без увагі і падтрымкі.

На надыходзячы час Адвэнту і падрыхтоўкі нашай дыяцэзіяльнай сям’і да юбілею 100-годдзя Пінскай дыяцэзіі з сэрца благаслаўляю.

+ Антоні Дзям’янка

      Біскуп Пінскі 

Пінск, 25.11.2021 г.   

Шаноўныя святары абвесцяць гэты Пастырскі ліст вернікам падчас кожнай св. Імшы ў нядзелю 28.11.2021 г. і размесцяць на прыкасцёльнай дошцы аб’яваў на ўвесь перыяд Адвэнту.

Расклад набажэнстваў за памерлых у парафіях Пінскай дыяцэзіі

Баранавіцкі дэканат:

31 кастрычніка:

Сталовічы: 11.00 – Св. Імша, малітва на могілках.

Гарадзішча – 8.30 – св. Імша, малітва на могілках.

Сеўрукі: 13.00 – Св. Імша , выпамінкі.

Малая Каўпеніца: 16.30 – малітва на могілках.

1 лістапада:

Баранавічы:

14.00 – набажэнства на могілках па вул. Куйбышава.

Баранавіцкі р-н:

Палонка — 11:00 — св. Імша.

Лотвічы — 13:00 — св. Імша.

Ягадная — 14:30 — малітва за памерлых.

Свіраны – 12.15 – малітва на могілках.

Новая Мыш – 18.00 – Св. Імша (выпамінкі).

Паўлінава – 11.30 малітва і індывідуальнае асвячэнне могілак.

Лясная – 12.30 – магчымасць споведзі ў касцеле.

     13.00 – выпамінкі /складковая Імша за памерлых.

Татаркі — 15.00 — выпамінкі /складковая Імша за памерлых.

  — індывідуальнае асвячэнне могілак.

Бярозаўка – 17.00 — выпамінкі /складковая Імша за памерлых.

       — індывідуальнае асвячэнне могілак.

Сеўрукі – 16.00 – св. Імша і працэсія на могілкі.

Сталовічы – 16.00 – св. Імша.

Русіно – 19.00 – св. Імша.

Гарадзішча – 17.30 – Св. Імша.

2 лістапада:

Баранавічы:

14.00 – набажэнства за памерлых на могілках “Русіно”

Баранавіцкі р-н:

Новая Мыш – 17.00 – працэсія на на могілках.

18.30 – Св. Імша, выпамінкі.

Лясная – 11.15 – выпамінкі /складковая Імша за памерлых,

пасля Імшы набажэнства за памерлых і індывідуальнае

асвячэнне могілак.

Палонка – 10.00 Св. Імша, працэсія на на могілках.

Дзекалы – 12.00 малітва за памерлых.

Гардзейчыкі – 12.30 малітва за памерлых.

Сасновая – 13.00 малітва за памерлых.

Лотвічы – 14.00 Св. Імша, працэсія на на могілках.

Стрэлава — 14.00 – малітва і індывідуальнае асвячэнне могілак.

Мілавіды – 15.00 – малітва і індывідуальнае асвячэнне могілак.

Гарадзішча – 17.30 – св. Імша.

Сталовічы – 16.00 – св. Імша.

Русіно – 19.00 – Св. Імша.

3 лістапада:

Мікулічы: 14.00 – малітва на могілках.

6 лістапада:

Забалацце — 10.00 – працэсія на могілках.

Цешаўле — 11.00 – працэсія на могілках.

Моўчадзь — 11.30 — працэсія на могілках.

Соргавічы — 12.00 — працэсія на могілках.

7 лістапада:

Гарадзішча – 9.30 – св. Імша.

Сталовічы – 11.00 – св. Імша.

Пастарынне – 12.00 – св. Імша, малітва на могілках.

Русіно – 17.00 – св. Імша.

14 лістапада:

Арабаўшчына – 12.30 – малітва на могілках.

Калдычэва – 13.00 – малітва на могілках.

Медзяневічы – 13.30 – малітва на могілках.

Жалязніца – 14.00 – малітва на могілках.  

21 лістапада:

Мелехавічы – 12.30 – малітва на могілках.

Візорак – 13.00 – малітва на могілках.

Скробава – 13.30 — малітва на могілках.

БРЭСЦКІ дэканат:

(Брэсцкі, Камянецкі, Маларыцкі, Кобрынскі, Жабінкаўскі р-н):

Брэст (Цэнтр) — парафія Узвышэння Святога Крыжа:

1 лістапада:

св. Імша ў касцёле ў 9.00, 12.00, 18.00.

Малітва ў Крэпасці: 10.30.

2 лістапада: св. Імша ў касцёле ў 9.00, 12.00, 18.00.

Брэст (Рэчыца) — парафія Найсвяцейшага Сэрца Езуса:

1 лістапада:

09.00, 19.00 — св. Імша ў касцёле.

13.00 – малітва на могілках на Рэчыцы.

Казловічы – 14.00 – малітва на могілках.
2 лістапада:

09.00, 19.00 — св. Імша ў касцёле.

Рэчыца-Вайсковыя могілкі – 10.00 – малітва за памерлых.

Касцельня Баярская – 12.00 – малітва на могілках.

Матыкалы – 13.00 – малітва на могілках.

Паўночныя могілкі (Северные) – 14.00 – малітва на могілках.

6 лістапада:

Трышынскія могілкі — 11.00 — малітва на могілках.

Брэст (Кіеўка) — парафія Маці Божай Каралевы:

1 лістапада:

9.00 – св. Імша ў касцёле.

Плоска — 14.00 – малітва на могілках.

вул. Пушкінская — 18.00 – малітва на могілках.

2 лістапада:

9.00 – св. Імша ў касцёле.

Плоска — 14.00 – малітва на могілках.

вул. Пушкінская — 18.00 – малітва на могілках.

Брэст (Кавалёўка) — парафія св. Юзафа:

1 лістапада:

9.00, 11.00, 18.00 — св. Імша ў касцёле.

Міцькі — 14.00 – малітва на могілках.

Камяніца Жыравецкая — 14.00 – малітва на могілках.

Вулька — 15.00 – малітва на могілках.

2 лістапада:

9.00, 11.00, 18.00 — св. Імша ў касцёле.

Пелішча — парафія Найсвяцейшага Сэрца Езуса:

1 лістапада: 17.00 — св. Імша ў касцёле;

2 лістапада: 16.00 — св. Імша ў касцёле;

7 лістапада – 13.00 – св. Імша ў касцёле і малітва на могіках.

Жабінка — парафія св. Юзафа:

1 лістапада: 11.00 — св. Імша ў касцёле;

2 лістапада: 11.00 — св. Імша ў касцёле;

Чарнаўчыцы — парафія Святой Тройцы

1 лістапада: 9.00 — св. Імша ў касцёле.

2 лістапада: 9.00 — св. Імша ў касцёле.

Камянец — парафія св. Пятра і Паўла:

1 лістапада: 18.00 — св. Імша ў касцёле.

2 лістапада: 18.00 – св. Імша ў касцёле і малітва на старых могілках.

7 лістапада: 11.00 – св. Імша ў касцёле і малітва на новых могілках.

Высокае — парафія Святой Тройцы:

1 лістапада: 12.00 – малітва на старых могілках.

2 лістапада:

16.00 – малітва на новых могілках.

Бардзёўка – 17.00 – малітва за памерлых.

Шчытнікі – 18.00 – малітва за памерлых.

Волчын – парафія Найсв. Тройцы:

1 лістапада: 10.00 — св. Імша ў касцёле.

Маларыта — парафія Звеставання Найсвяцейшай Марыі Панны

1 лістапада:

16.30 – малітва на старых могілках.

17.00 – Св. Імша ў касцёле.

2 лістапада:

16.30 – малітва на новых могілках.

17.00 – Св. Імша ў касцёле.

Дамачава – парафія Беззаганнага Зачацця Найсв. Дзевы Марыі:

7 лістапада: 15.00 – малітва за памерлых.  

Кобрын — парафія Унебаўзяцця Найсвяцейшай Марыі Панны:

1 лістапада:

11.00, 18.00 – св. Імша ў касцёле.

2 лістапада:

18.00 – св. Імша ў касцёле.

Гарадзец – парафія Езуса Хрыста – Добрага Пастыра:

1 лістапада: 14.00 – малітва за памерлых.  

Ківатычы —  парафія св. Пятра і Паўла:

6 лістапада: 12.00 – малітва на могілках.  

Ляхавіцкі дэканат

(Ляхавіцкі, Баранавіцкі (усход), Ганцавіцкі р-н):

Ганцавічы: кантакт да ксяндза Яна: +375 29 672 58 36.

Ішкалдзь, Паланэчка, Юшкавічы: канаткт да ксяндза Леанардана: +375 29 508 47 55.

Мядзведзічы — Парафія Св. Ап. Пятра і Паўла:

1 лістапада:

Мядзьведзічы — 12.00 –Св. Імша ў касцёле

М. Гарадзішча – 09.00 – Св. Імша на могілках

Ліпск — 10.00 –– Св. Імша ў касцёле

Новыя Буды — 14.00 — Св. Імша на могілках

Русінавічы – 15.30 — Св. Імша на новых могілках

2 лістапада:

Тальмінавічы – 12.00 — св.Імша на могілках;

Русінавічы — 15.30 — св.Імша на новых могілках.

Мядзведзічы — 17.00 — Ружанец на могілках; св. Імша ў касцёле.

3 лістапада:

Мядзведзічы – 10.00 – св. Імша ў касцёле.

Смаленікі, Мазуркі, Ганчары, Гарадзішча – 10.00 – малітва за памерлых.

5 лістапада:

Куршынавічы, Стараселле, Гашчын, Новыя Буды – 10.00 – малітва за памерлых.

6 лістапада:

Мазуркі — 10.00 — св.Імша на могілках

Мядзведзічы – 12.00 — св.Імша на могілках

Савейкі – 14.00 — св.Імша на могілках

Тухавічы – 16.00 — св.Імша на могілках

7 лістапада:

Малое Гарадзішча – 8.30 – малітва на могілках.

Ліпск – 10.00 –

Мядзведзічы – 12.00 – св. Імша ў касцёле,

Гайнін – 14.00 – св. Імша (малітва: Гайнінец, Лапацічы, Савейкі).

Новыя Буды – 15.30 – св. Імша на могілках.  

8 лістапада:

Тальмінавічы, Русінавічы, Жарскія – 10.00 – малітва за памерлых.

Сваятычы: 31 кастырчніка — 14.30 – св. Імша ў касцёле, малітва на могілках.

 Рачканы – 30 кастырчніка – 12.00 – малітва на могілках.

Ляхавічы — парафія Найсв. Сэрца Езуса:

30 кастрычніка:

14.00 – малітва на могілках (па вул. Леніна).

31 кастрычніка:

12.00 – св. Імша на каталіцкіх могілках.

2 лістапада: 12.00 – малітва на каталіцкіх могілках.

Ляхавічы — парафія Святога Юзафа:

30 кастрычніка — 14.00 – набажэнства на могілках.

31 кастрычніка – 10.00 – св. Імша ў касцёле; 12.00 – св. Імша і малітва на каталіцкіх могілках.

1 лістапада: 18.00 – св. Імша ў касцёле.

2 лістапада:

12.00 – Ружанец за памерлых на каталіцкіх могілках.

17.30 – Нешпары за памерлых, 18.00 – св. Імша у касцёле.

3 — 6 лістапада:

17.30 – Нешпары за памерлых, 18.00 – св. Імша у касцёле.

7 лістпада – 9.30 – Ружанец за памерлых, 10.00 – св. Імша у касцёле.

8 лістпада – 17.30 – Нешпары за памерлых, 18.00 – св. Імша у касцёле.

Крошын:

31 кастрычніка – 14.00 – св. Імша, 15.00 – малітва на могілках.

1 лістапада – 19.30 – св. Імша.

2 — 6 лістапада – 18.45 – Ружанец за памерлых, 19.15 – св. Імша.

7 лістапада:12.30 — Ружанец за памерлых, 13.00 – св. Імша.

8 лістапада – 18.45 – Ружанец за памерлых, 19.15 – св. Імша.

Дарава: кантакт да ксяндза Яна: +375 29 648 12 11.

ПІНСКІ ДЭКАНАТ:

Пінск — Катэдральная парафія Унебаўзяцця Найсв. Панны Марыі:

1 лістапада:

09.00 —  Святая Імша ў катэдры

12.00 —  Святая Імша ў катэдры

15.00 — Набажэнства  на могілках на вул. Спакойнай ў Пінску

18.30 — Святая Імша ў катэдры

2 лістапада:

09.00 — Святая Імша ў катэдры

12.00 — Святая Імша ў катэдры

15.00 — Святая Імша на могілках на вул. Спакойнай ў Пінску

18.30 — Святая Імша ў катэдры

6 лістапада:

Парахонск — 12.00 — Набажэнства  на могілках 

Пагост Загародскі — 13.00 — Набажэнства  на могілках 

Гарадзішча — 14.00 — Набажэнства  на могілках 

На працягу ўсей актавы з 1 па 8 лістапада, перад кожнай Св. Імшой (за паўгадзіны), будзем маліцца за ўсіх памерлых з нашых сем’яў, чыі імёны напісалі ў “выпамінках”.

Пінск — Парафія Святога Бэнэдыкта і Парафія Святога Духа:

1 лістапада:

09.00 — Святая Імша ў касцёле Св. Бэнэдыкта

(перад кожнай Святой Імшой (за паўгадзіны) — “выпамінкі”)

14.00 — Выпамінкі і Святая Імша на могілках ў в. Крыўчыцы.

18.00 — Святая Імша і экзэквія ў касцёле Святога Бэнэдыкта.

2 лістапада:

09.00 — Святая Імша і экзэквія ў касцёле Святога Бэнэдыкта.

14.00 — Выпамінкі і Святая Імша на могілках ў в. Падбалоцце.

18.00 — Святая Імша і экзэквія ў касцёле Святога Бэнэдыкта.

6 лістапада:

09.00 — Святая Імша і экзэквіяў касцёле Святога Бэнэдыкта

11.00 — Набажэнства на могілках у в. Таргошыцы

13.00 — Набажэнства на могілках у в. Пасянічы

Лагішын – парафія Св. Ап. Пятра і Паўла:

1 лістапада:

10.00 — Святая Імша на могілках ў Лагішыне

Шпанаўкі — 15.00 — Св. Імша

2 лістапада:

9.00 – Св. Імша у касцеле

Целяханы – парафія Узвышэння Св. Крыжа:

31 кастрычніка:

13.00 – Св. Імша у касцеле, пасля — асвячэнне старэйшых і новых могілках

2 лістапада:

Вулька Лаўская 12.00 – малітва за памерлых на могілках

Валішча 13.00 –малітва за памерлых на могілках

Шпанаўкі 15.00 — малітва за памерлых на могілках

Давыд-Гарадокпарафія Божага Цела:

1 лістапада:

17.15 – Святая Імша

2 лістапада:

17.15 – Святая Імша з выпамінкамі, асвячэнне могілак

Асавая – парафія Унебаўзяцця Найсв. Дзевы Марыі:

1 лістапада:

10.00 — Святая Імша ў Асавой

2 лістапада:

10.00 — Выпамінковая Імша, набажэнства на могілках

Столін — парафія Нараджэння Найсв. Дзевы Марыі:

1 лістапада:

19.00 – Святая Імша ў Століне

2 лістапада:

13.00 – Святая Імша з выпамінкамі, асвячэнн могілак

Іванава — парафія Узвышэння Св. Крыжа:

31 кастрычніка:

16.00 – Малітва за памерлых на месцы смерці кс. Вітальда Івіцкага

1 лістапада:

18.00 – Святая Імша

2 лістапада:

16.00 – Святая Імша (могилки)

18.00 – Святая Імша

Драгічын – парафія Маці Божай Каралевы:

1 лістапада:

13.00 – Святая Імша (могилки)

14.00 – Святая Імша

2 лістапада:

14.00 — Святая Імша

Бездзежпарафія Найсв. Тройцы:

31 кастрычніка:

12.00 – Святая Імша ў касцёле

13.00 малітва на могілках

1 лістапада:

16.00 – Святая Імша за памерлых

 ПРУЖАНСКІ ДЭКАНАТ (Пружанскі, Бярозаўскі, Івацэвіцкі р-н):

30 кастрычніка:

Нов. Засімавічы – 11.00 – малітва на могілках.

Слабудка – 12.00 – малітва на могілках.

Шані – 14.00 – малітва на могілках.

31 кастрычніка:

Пружаны — 12.00 – св. Імша і малітва за памерлых на могілках.

Вялікае Сяло – 16.00 – св. Імша ў касцёле. 

1 лістапада:

Сялец — 10.00 – св. Імша з касцёле.

Дзягелец – 10.00 – св. Імша на могілках.

Шарашова: 12.00 – выпамінкі, 13.00- Св. Імша і працэсія (могілкі).

Волька 12.00 – Св. Імша і працэсія

Бяроза – 13.00 – св. Імша на старых могілках, 18.00 – св. Імша ў касцёле.

Сігневічы – 15.00 – св. Імша ў касцёле.

Панкі – 15.30 – працэсія і набажэнства

Косава 17.00 – працэсія і набажэнства

Белаазёрск – 18.00 – св. Імша ў касцёле.

Пружаны – 18.00 – св. Імша ў касцёле.

6 лістапада:

Сігневічы – 11.00 – малітва на могілках.

7 лістапада:

Сялец – 9.00 – св. Імша на новых могілках.

Бяроза – 9.00 – св. Імша ў касцёле, 13.00 – св. Імша на новых могіках (Селаўшчына).

Сігневічы – 11.00 – св. Імша ў касцёле

Белаазёрск – 14.00 – св. Імша на могілках.

Ружаны:

1 лістапада:

18.00 – Св. Імша і малітва за памерлых

2 лістапада:

17.30 – Нешпары за памерлых на Ружанскіх могілках (каля капліцы святога Казіміра);

18.30 – выпамінкі і Святая Імша за памерлых (у касцёле).

6 лістапада:

16.00 – на Ружанскіх могілках працэсія і асвячэнне могілак

(пачатак каля капліцы святога Казіміра);

17.00 – выпамінкі і Святая Імша (у касцёле).

7 лістапада:

11.00 – выпамінкі і Святая Імша

Традыцыйныя штогадовыя малітвы за душы памерлых вернікаў – “выпамінкі” з 1 па 8 лістапада падчас штодзённых набажэнстваў, а таксама ва ўсе серады, пятніцы і нядзелі лістапада.

З 2 па 6 лістапада малітва за памерылых на могілках у вёсках: Варанілавічы, Шчытна, Манчыкі, Вострава і іншых, па індывідуальнай дамоўленасці парафіянаў са святаром.

Лыскава — Барысікі:

2 лістапада:

16.00 — Святая Імша за памерлых ў капліцы на каталіцкіх могілках (в. Барысікі).

7 лістапада:

13.00 – Святая Імша за памерлых, працэсія і асвячэнне могілак (в.Барысікі)

Гомельскі дэканат:

ГомельПарафія Нараджэння Найсвяцейшай Панны Марыі:

1 лістапада:

Св. Імша ў касцёле – 08.00; 19.00;

16.00 –  Могілкі ў Навабеліцы – працэсія і асвячэнне могілак

2 лістапада:

Св. Імша ў касцёле – 08.00; 19.00;

16.00 – малітва за памерлых на “9 кіламетры” Чарнігаўскай шашы на месцы масавых растрэлаў.

Гомель — Парафія Ўнебаўзяцця Найсвяцейшай Панны Марыі:

1 лістапада:

Св. Імша ў касцёле – 09.00; 12.00; 18:00

18.40 – нешпары, малітва за памерлых

2 лістапада:

9.00 – Святая Імша, працэсія на могілкі

12.00, 18.00 — Св. Імша ў касцёле, нешпары, малітва за памерлых

Рэчыцапарафія Найсв. Тройцы:

1 лістапада:Св. Імша ў касцёле – 18.00;

2 лістапада:

11.30 – «Старыя могілкі» — малітва за памерлых і асвячэнне могілак;

12.30 — другія гарадскія могілкі — малітва за памерлых і асвячэнне могілак;

Св. Імша ў касцёле – 18.00;

Хойнікі – парафія Унебаўзяцця Найсв. Дзевы Марыі:

1 лістапада:

12.00 – Св. Імша ў касцёле, пасля — малітва на Цэнтральных гарадскіх могілках і асвячэнне могілак.

2 лістапада:

12.00 – Св. Імша ў касцёле; малітва на могілках за горадам.

Жлобінпарафія Св. Казіміра і Маці Божай Каралевы:

1 лістапада

Св. Імша ў касцёле – 09.00, 18.00.

2 лістапада:

Св. Імша ў касцёле – 9.00; 18.00.

6 лістапада:

11.00 – в. Чарцёж – Св. Імша , малітва на могілках і асвячэнне могілак.

15.00 – в. Антушы – Св. Імша на могілках і малітва за памерлых;

16.00 – г Жлобін . Малітва на “Заходніх могілках”.

7 лістапада:

12.00 — г. Жлобін — Набажэнства на «Цэнтральных могілках»

15.00 — пасёлак Лукскі — Набажэнства на молілках.

Рагачоўпарафія Св. Антонія:

1 лістапада:

Св. Імша ў касцёле – 18.00;

2 лістапада:

18.00 – Выпамінкі, Св. Імша

7 лістапада:

Св. Імша ў касцёле – 12.00.

13.15 — малітва на Цэнтральных гарадскіх могілках.

Светлагорскпарафія Узвышэння Св. Крыжа:

1 лістапада:

Св. Імша ў касцёле – 12.00;

10.00 – Св. Імша на могілках у Шацілках і асвячэнне могілак;

15.30 — малітва на могілках у Чырковічах і асвячэнне могілак.

19.00 — Св. Імша

3 лістапада:

Св. Імша ў касцёле – 09.00;

10.30 — малітва на могілках каля “Светача” і асвячэнне могілак;

12.00 — малітва на могілках каля “Хлебазавода” і асвячэнне могілак.

Акцябрскіпарафія Св. Міхала Арханёла:

7 лістапада:

15.00 — малітва на могілках, после Св. Імша ў касцёле.

Мазырскі дэканат:

Мазырпарафія Унебаўзяцця Найсв. Панны Марыі:                 

1 лістапада – Святая Імша ў “Даліне Анёлаў” – 8.00;

Святая Імша ў касцёле – 9.00; 19.15;

2 лістапада – Святая Імша ў “Даліне Анёлаў” – 9.00;

Святая Імша ў касцёле – 9.00; 19.15;

5 лістапада – малітва на могілках Тварычэўка і Бібікі – 11.00;

6 лістапада – Святая Імша на могілках “Новыя Дразды” – 10.30. 

Лельчыцыпарафія Маці Божай Фацімскай:

1 лістапада – Святая Імша – 18.00;

2 лістапада – Святая Імша і працэсія ў касцёле – 18.00;

3 лістапада – могілкі ў в. Жмурнае – 12.00;

4 лістапада – могілкі ў в. Заброддзе – 12.00;

6 лістапада – працэсія на могілках у Лельчыцах – 12.00;

9 лістапада – могілкі ў в. Маркоўская – 12.00;

Дубніцкая  — могілкі – 14.00. 

Нароўля – парафія Узвышэння Св. Крыжа:     

1 лістапада – Святая Імша — 18.30; 

2 лістапада – Святая Імша і выпамінкі — 18.30;

5 лістапада – Святая Імша і выпамінкі – 18.30;

6 лістапада – Святая Імша і выпамінкі — 9.00.

Грушаўка – парафія Найсв. Сэрца Езуса:        

  1. лістапада – Святая Імша – 16.00; 

2 лістапада – Святая Імша і выпамінкі – 16.00;

7лістапада – Святая Імша і выпамінкі — 12.30; працэсія на могілках пасля св. Імшы.

Ельск – парафія св. Якуба:            

  1. лістапада – Святая Імша — 14.00; 

2 лістапада – Святая Імша і выпамінкі — 12.00;

малітва на могілках у Ельску – 13.00;

малітва на могілках “Каралін” – 14.00.

Калінкавічы – парафія Найсв. Тройцы:

1 лістапада – Святая Імша — 18.00;

2 лістапада – Святая Імша – 18.00;

7 лістапада – Святая Імша – 12.30

працэсія на могілках пасля Святой Імшы. 

Капаткевічы – парафія Св. Аўгустына:

1 лістапада – Святая Імша – 10.00;

Працэсія на могілках – 11.00; 

2 лістапада – Святая Імша – 16.00.

Брынёў – парафія Святой Сям’і:            

1 лістапада – Святая Імша – 16.00;

  • лістапада – Святая Імша – 10.00; 

Працэсія на могілках – 11.00; 

Петрыкаў – парафія Звеставання Найсв. Дзевы Марыі:     

1 лістапада – Святая Імша – 18.00;

Працэсія на новых могілках – 13.00;

  • лістапада – працэсія на старых могілках – 13.00;

Святая Імша – 18.00.

Жыткавічы – парафія Св. Юзафа Рамесніка:

1 лістапада:

14.30 – Жыткавічы – Святая Імша ў касцёле

2 лістапада:

14.30 – выпамінкі, Святая Імша за памерлых ў касцёле.

Паведамленне Біскупа з нагоды Успаміну ўсіх памерлых вернікаў

Паважаныя святары, кансэкраваныя асобы,

умілаваныя ў Хрысце браты і сёстры!

Традыцыйна з 1 па 8 лістапада вернікі разам са сваімі душпастырамі моляцца за ўсіх памерлых, наведваюць могілкі, цэлебруюць прынагодныя набажэнствы ў інтэнцыі тых, хто адышоў у вечнасць.

На інтэрнэт-старонцы Пінскай дыяцэіі — PCD.BY — кожны жадаючы зможа знайсці падрабязную інфрамацыю пра тое, дзе, калі, а якой гадзіне святары будуць праводзіць супольную малітву ці набажэнствы за памерлых. Заахвочваю ўсіх скарыстацца гэтай магчымасцю, каб не толькі разам памаліцца на могілках ці ў касцёле за сваіх родных і блізкіх, але таксама ўзагадаць усіх тых, у каго, можа, не засталося нікога з радні ці блізкіх, хто за іх памаліўся б.

Асаблівым выразам нашага клопату пра памерлых і нашай хрысціянскай культуры з’яўляецца стан могілак і пахаванняў. Таму заахвочваю добраўпарадкаваць усе месцы пахаванняў. У духу любові да бліжніх пастараемся ўпарадкаваць могілкі не толькі тых, каго памятаем, але таксама тых, пра каго няма каму паклапаціцца. Мы, як людзі веруючыя, памятаем пра ўсіх памерлых і шануем кожнае месца пахавання чалавека.

Прашу таксама ў духу ўдзячнасці за дар душпастыраў, якія служылі ў нашых парафіях у мінулым, звярнуць асаблівую ўвагу на магілы святароў. Няхай задбаныя месцы іх пахвання і частае ўзгадванне ў малітвах будуць выразам нашай удзячнасці і трывалай малітоўнай памяці пра тых, хто ў Хрыстовым святарстве прысвяціў усё сваё жыццё ратаванню людскіх душаў у нашых парафіях.

На час асаблівага клопату пра памяць нашых памерлых з сэрца благаслаўляю,

+ Антоні Дзям’янка

     Біскуп Пінскі

Пінск, 22 кастрычніка 2021 г.

Паведамленне Біскупа з нагоды ўступлення на пасаду новага Мітрапаліта

Паважаныя святары, кансэкраваныя асобы, умілаваныя ў Хрысце браты і сёстры!

14 верасня 2021 г., у свята Узвышэння Святога Крыжа, Папа Францішак прызначыў арцыбіскупам Мітрапалітам Мінска-Магілёўскім Юзафа Станеўскага, да гэтага часу — дапаможнага біскупа Гродзенскай дыяцэзіі. 23 кастрычніка адбудзецца яго кананічнае ўступленне на пасаду Мітрапаліта. У асобе арцыбіскупа Юзафа вітаем архіпастыра нашай касцёльнай правінцыі – мітраполіі, якая ахоплівае Мінска-Магілёўскую, Пінскую, Гродзенску і і Віцебскую дыяцэзіі.

Арцыбіскуп Станеўскі – гэта ўжо трэці Мірапаліт у Мінску пасля адраджэння структур Каталіцкага Касцёла ў Беларусі. Перад ім на гэтай пачэснай пасадзе знаходзіўся кардынал Казімір Свёнтэк і арцыбіскуп Тадэвуш Кандрусевіч. Прызначэнне новага Мітрапаліта з’яўляецца сведчаннем жывасці і пераемнасці традыцыі Касцёла на нашай зямлі.

Мы кіруемся духам Евангелля і нормамі кананічнага права. Гэты Хрыстовы дух ажыўляў наш партыклярны Касцёл нават тады, калі ў драматычныя часы атэізма структуры мітраполій, дыяцэзій і парафій былі панішчаныя. Трыццаць гадоў таму вярнуўся нармальны рытм жыцця кананічных структур, была адноўленая дзейнасць Пінскай дыяцэзіі ў новых межах, а таксама паўсталі новыя дыяцэзіі – спчатку Мінска-Магілёўская і Гродзенская, а крыху пазней – Віцебская. У новаарганізаванай мітраполіі наша Пінская дыяцэзія застаецца найстарэйшай. Яна была створаная ў 1925 г. Памятаем, што яе першым біскупам быў прызначаны Слуга Божы біскуп Зыгмунт Лазінскі, цела якога спачывае ў крыпце катэдральнай базылікі ў Пінску. Знакавым з’яўляецца таксама і тое, што біскуп Зыгмунт перад прыходам у Пінск у 1925 г. быў біскупам у Мінску, дзе новы архіпастыр з’явіўся толькі ў 1991 г., калі была ўтвораная новая мітраполія на чале з кардыналам Казімірам Свёнткам.

Мінска-Магілёўская мітраполія з’яўляецца спадкаемцай гістарычнай Магілёўскай мітраполіі, якая ў свой час была найбуйнейшай у Еўропе.

Сёння ўсе чатыры дыяцэзіі, якія ўваходзяць у склад Мінска-Магілёўскай мітраполіі, маюць сваіх біскупаў. Дух Хрыстовага Евангелля дзейнічае таксама праз упарадкаваную дзейнасць структур Касцёла ў нашай краіне. З нагоды кананічнага ўступлення на пасаду новага Мітрапаліта, няхай кожны з нас узнясе да Бога малітву за ўсіх пастыраў Касцёла, асабліва за Святога Айца Францішка і арцыбіскупа Юзафа Станеўскага. Давяраем служэнне Мітрапаліта Юзафа нябеснаму заступніцтву Маці Божай, а таксама Святому Міхалу Арханёлу – галоўнаму апекуну каталіцкай мітраполіі ў Беларусі.    

З пастырскім благаслаўленнем,

+Антоні Дзям’янка

     Біскуп Пінскі       

Пінск, 22 кастрычніка 2021 г.

Паведамленне Біскупа з нагоды асвячэння вуглавога каменя на будове касцёла ў Баранавічах

Паважаныя святары, кансэкраваныя асобы, умілаваныя ў Хрысце браты і сёстры Баранавіцкага рэгіёна!

Хачу падзяліцца з вамі радасцю з таго, што 13 лістапада а 12.00 у г. Баранавічы ў мікрараёне Тэкстыльны па вул. Тэкстыльнай, 28 (каля хлебазавода), адбудзецца ўрачыстае асвячэнне вуглавога каменя і цэлебрацыя першай святой Імшы на месцы пабудовы новага касцёла Божай Міласэрнасці і Маці Божай Вастрабрамскай.

Варта ўзгадаць, што на тэрыторыі гэтай парафіі ў мінулым, у міжваенны перыяд, ужо існавала каталіцкая супольнасць і капліца Маці Божай у раёне цяперашняй пажарнай станцыі. Тут юнаком маліўся будучы кардынал Казімір Свёнтэк, які жыў непадалёку ў г. Баранавічы,  і ў касцёле ў гэтай мясцовасці ён прыняў сакрамэнт канфірамацыі (бежмавання) з рук Слугі Божага біскупа Зыгмунта Лазінскага.  Але ваенныя ліхалецці і пазнейшыя атэістычныя часы не дазволілі баранавіцкім каталікам актыўна развіваць сваё духоўнае жыццё і пры капліцы Маці Божай, і пры незавершаным будаўніцтве новага касцёла, на фундаментах якога была пабудавана тэкстыльная фабрыка.

Але Божая Прадбачлівасць ніколі не пакідала жыхароў Баранавічаў і распарадзілася так, што з Божай волі нанова адрадзілася каталіцкая супольнасць у той частцы горада, якую цяпер ахоплівае мікрараён Тэкстыльны. На хвалу Божую і збаўленне душ людскіх адроджаная каталіцкая супольнасць распачала будаўніцтва парафіяльнай святыні Божай Міласэрнасці і Маці Божай Вастрабрамскай пад кіраўніцтвам свайго пробашча ксяндза Паўла Рудзьмана.

Запрашаю ўсіх святароў, кансэкраваных асобаў, свецкіх вернікаў і ўсіх людзей добрай волі на нашую супольную радасную ўрачыстасць – першую Святую Імшу на месцы, дзе будуецца новы касцёл, і дзе будзе закладзены памятны вуглавы камень а 12-ай гадзіне ў суботу 13 лістапада.

Няхай нашая супольная прысутнасць і малітва стануць знакам падтрымкі гэтай адроджанай парафіі ў яе стараннях пабудаваць святыню дзеля хвалы Божай і збаўлення людзей.

З пастырскім благаслаўленнем,

+Антоні Дзям’янка

     Біскуп Пінскі       

Пінск, 22 кастрычніка 2021 г.

Паведамленне Біскупа з нагоды 30 гадавіны смерці Ксяндза Інф. Вацлава Пянткоўскага

Паважаныя святары, кансэкраваныя асобы, умілаваныя ў Хрысце браты i сёстры!

30 лістапада спаўняецца 30 год з дня смерці Ксяндза Інфулата Вацлава Пянткоўскага, шматгадовага Генеральнага Вікарыя той часткі Пінскай дыяцэзіі, якая знаходзілася у межах Савецкага Саюза.

“Каму даручана шмат, ад таго больш i запатрабуюць” (Лк 12,48). Ксёндз Інфулат Вацлаў Пянткоўскі узначальваў усходнюю частку Пінскай дыяцэзіі у ранейшых межах (а гэта каля паловы тэрыторыі сучаснай Беларусі) з 1946 па 1989 г. Гэты святар прайшоў атэістычны пераслед i катаржныя працы ў ГУЛАГу з 1948 па 1954 г. у Стэплагу №4 каля Караганды ў Казахстане. Але ніколі не падаў духам. Вярнуўшыся з лагераў у Мядзведзічы, працягваў клапаціцца npa Касцёл на нашых землях. Падтрымліваў святароў i парафіяльныя супольнасці, клпаціўся аб духоўнай i сакрамэнтальнай апецы для ўcix патрабуючых. Бачучы вялікія патрэбы ў новых святарах i абмежаванні, якія ставіліся атэістычным рэжымам для кандыдатаў у семінарыю, кс. Вацлаў, як доктар тэалогіі Папскага Латэранскага ўніверсітэта i былы віцэ-рэктар Пінскай вышэйшай духоўнай семінарыі, па ўзгадненні з касцёльнымі ўладамі, арганізаваў падрыхтоўку кандыдатаў да святарства пры парафіі ў Мядзведзічах.

Заахвочваю ўcix святароў, кансэкраваных асобаў,  свецкіх  вернікаў  i  ўcix людзей добрай волі на нашую супольную Святую Імшу ў касцёле ў Мядзведзічах у суботу 27 лістапада а 12.00 гадзіне, дзе будзем маліцца за святой памяці Ксяндза Інфулата Вацлава Пянткоўскага — у месцы, дзе  ён быў  шматгадовым  пробашчам  i дзе пахаваны.

Запрашаю да ўдзелу у супольнай малітве асабліва тых, хто  карыстаўся святарскай паслугай Ксяндза Інфулата, тых, кім  ён  кіраваў,  апекаваўся,  каго ахрысціў, спавядаў, шлюбаваў, катэхізаваў, хаваў ix блізкіх на могілках, за каго маліўся.

Няхай нашая супольная прысутнасць i малітва  стануць  знакам  адзінства Касцёла на нашай зямлі i выразам удзячнай памяці за ахвяранае служенне вялікага пастыра Пінскай дыяцэзіі — Ксяндза Інфулата Вацлава Пянткоўскага.

3 пастырскім  благаслаўленнем,

+Антоні Дзям’янка

    Біскуп Пінскі

Пінск, 22 кастрычніка 2021 г.

У катэхетычным каледжы ў Баранавічах з удзелам біскупа Дзям’янкі ўрачыста распачалі новы навучальны год

25 верасня ў катэхетычным каледжы імя Зыгмунта Лазінскага ў Баранавічах адбылося ўрачыстае распачацце новага навучальнага года.

Баранавіцкі каледж — старэйшая ў Беларусі афіцыйна зарэгістраваная навучальная ўстанова такога роду.

Навучанне ў ім дае цудоўную магчымасць не толькі пашырыць свае тэалагічныя веды, увайсці ў больш цесны кантакт з Богам, але таксама навучыцца дзяліцца гэтымі ведамі і верай з іншымі.

Урачыстасці распачаліся святой Імшой, цэлебрацыю якой узначаліў біскуп Пінскі Антоні Дзям’янка. Разам з ім святочную Эўхарыстыю цэлебравалі Апостальскі візітатар для беларускіх грэка-католікаў архімандрыт Сяргей Гаек, канцлер Курыі Пінскй дыяцэзіі ксёндз Андрэй Рылка, былы дырэктар навучальнай установы ксёндз Юрый Пракапюк і яго наступнік на гэтай пасадзе ксёндз Павел Рудзьман.

Эўхарыстыю пастыр Пінскай дыяцэзіі цэлебраваў у інтэнцыі ўсіх тых, хто ўтварае супольнасць гэтай навучальнай установы: адміністрацыі, выкладчыкаў, навучэнцаў і выпускнікоў. У гаміліі , прамоўленай ксяндзом Андрэем Рылкам, быў акрэслены кірунак навучання, асвячэння і служэння людзям. Святар нагадаў наказ Езуса апосталам: «Ідзіце па ўсім свеце і абвяшчайце Евангелле ўсякаму стварэнню», каб узбагаціць сябе і тых, хто побач, хрысціанскімі каштоўнасцямі; каб зрабіць свет лепшым; каб стаць іскрынкай святла, якім з’яўляецца Езус Хрыстус.

Уручэнне дыпломаў выпускнікам — чаканыя хвіліны ў жыцці кожнага навучэнца.

Сёлета 15 выпускнікоў баранавіцкага катэхетычнага каледжа з рук біскупа Дзям’янкі атрымалі дыпломы, якія пацвярджаюць, што яны паспяхова завяршылі курс навучання паводле абранага профілю.

Сярод іх — катэхэт-арганізатар рэлігійнага турызму і адпачынку, тэолагі, катэхэты, сямейныя кансультатнты і кансультанты ў галіне залежнасцяў. Два выпускніка атрымалі дыпломы з адзнакай.

Паведамленне біскупа Антонія аб прызначэнні новага мітрапаліта

Дарагія ў Хрысце браты і сёстры!

Касцёл Пінскай дыяцэзіі ў духу хрысціянскай радасці, надзеі і ўдзячнасці Добраму Богу прыняў вестку аб прызначэнні Святым Айцом Францішкам Яго Эксцэленцыі біскупа Юзафа Станеўскага арцыбіскупам Мітрапалітам Мінска-Магілёўскім.

         Дэкрэт Апостальскай Сталіцы “Christus Dominus” аб пастырскім служэнні біскупаў між іншым гаворыць: “Біскупы, устаноўленыя Духам Святым, знаходзячыся на апостальскіх пасадах як пастыры душ, атрымалі таксама пасланне, каб у лучнасці з Біскупам Рыму і пад яго кіраўніцтвам, умацоўваць у трываласці справу Хрыста, Вечнага Пастыра. Бо Хрыстус даў апосталам і іх наступнікам наказ і ўладу, каб навучалі ўсе народы, каб асвячалі людзей у праўдзе, і каб былі іх пастырамі”.

Касцёл на Палессі неаднаразова пераконваўся, што ў асобе новапрызначанага Мітрапаліта Мінска-Магілёўскага вернікі маюць дар руплівага і разважлівага пастыра паводле Сэрца Езуса.

Молімся, каб Яго Экцэленцыя арцыбіскуп-намінат, меў шчодрае Божае благаслаўленне на кожны дзень сваёй паслугі ў ахвяраным служэнні Божаму народу на ўзор апостала Пятра і сваіх вялікіх папярэднікаў, сярод якіх Слуга Божы біскуп Зыгмунт Лазінскі, у свой час — біскуп Мінскі, а таксама сведка веры кардынал Казімір Свёнтэк – Мітрапаліт Мінска-Магілёўскі.

Няхай Маці Божая мае ў сталай апецы Яго Эксцэленцыю ў выкананні пастырскага служэння ў Мінска-Магілёўскай архідыяцэзіі і ўсім Касцёле на Беларусі.

Заахвочваю ўсіх вернікаў Пінскай дыяцэзіі аб малітве ў інтэнцыі новапрызначанага Мітрапаліта. А ўсіх святароў заклікаю ўзнесці малітву падзякі Пану Богу і просьбы аб усіх неабходных ласках для арцыбіскупа-наміната ў нядзелю 19 верасня падчас кожнай св. Імшы.

+ Антоні Дзям’янка

      Біскуп Пінскі

Пінск, 14 верасня 2021 г.